...Անվնա՞ս են, արդյոք, դիմահարդարման միջոցները

Այն կանայք, ովքեր ամեն օր օգտագործում են դիմահարդարման պարագաներ, դեմքի մաշկը ծածկում են 515 քիմիական միացություններով, որոնց համակցված ազդեցությունը կարող է առողջության համար վտանգավոր լինել:

Բնական է, որ դիմահարդարման յուրաքանչյուր տարր պետք է ստուգվի, սակայն կարելի է ասել, որ այդ միջոցների համակցված օգտագործման վնասակարությունը վերջնականապես պարզված չէ: Նշենք, որ շրթներկը պարունակում է 33, իսկ թարթիչների տուշը` գրեթե 30 քիմիական նյութ:

Շամպունները (նատրիումի լաուրիլսուլֆատ) գրգռում են աչքերը, կոպերի մատիտը (պոլիէթիլենտերեֆթալատ), դիմափոշին (պարաբեններ)` առաջացնում հորմոնային խանգարումներ, ուռուցքներ, շրթներկը (պոլիմեթիլմեթակրիլատ)` ալերգիա, ուռուցքներ, եղունգների փայլը (ֆթալատները)` հղիության հետ կապված խնդիրներ, արևի լոգանքների համար նախատեսված քսուքները, ինչպես նաև դեզոդորանտները (իզոպրոպիլմիրիստատ)` մաշկի, աչքերի ու թոքերի գրգռում, մազերի կոնդիցիոներները (իզոֆթալատներ)` ալերգիա, բջիջների կառուցվածքի փոփոխություն: Վտանգավոր են հատկապես պարաբենները, որոնք օգտագործվում են դիմահարդարման քսուքների և կոսմետիկ այլ միջոցների պատրաստման ժամանակ: Որոշ տվյալների համաձայն, այդ նյութերը կարող են անգամ կրծքագեղձի քաղցկեղի պատճառ դառնալ, քանի որ դրանց 20-60%-ը ներծծվում է մաշկի մեջ: Հայտնի է, որ մշտապես շրթներկ օգտագործող կինը մինչև 50 տարեկան հասակը 4-5 կգ շրթներկ է «ուտում»: Մասնագետները կանանց խորհուրդ են տալիս կրճատել դիմահարդարման պարագաների օգտագործումը, սակայն նրանք կհետևե՞ն արդյոք այս խորհրդին:

Հարցեր, պատասխաններ, մեկնաբանություններ